佘詩曼（阿佘）近日上大陸真人騷《看我的生活》，引起不少話題，繼之前卸下演員身份轉做髮型師後，最新一集她則應徵試食專員，貪有得返工賺錢之餘又可以免費食，阿佘一心以為係筍工，點知原來做試食專員都唔容易，第一日返工就有得睇冇得食，直踩9個鐘仲餓到黑面！
（圖片：影片截圖）
阿佘今次應徵做一名網站試食員。面試前仲整咗份手工履歷，用一張橙色卡紙，上面貼滿自己拿着食物的合照，創意滿分，面試時仲獲讚賞有心思！雖然要經過兩輪面試，但阿佘都表現得好好，而且臨場反應滿分，主管叫佢即時介紹餐廳都講得好有條理，而按照劇本，阿佘就當然通過面試啦！
相關新聞：【看我的生活】佘詩曼被王大陸暗寸年紀大嬲到震 怒問節目組：搵咩人約我出去
好有心思整咗份手工履歷（圖片：影片截圖）
（圖片：影片截圖）
面試都好有急才（圖片：影片截圖）
獲聘用後，阿佘即時獲派任務，做新一輪試食打卡嘅專題計劃書，行程滿滿嘅阿佘午餐都冇得食，夜晚又要跟同事出去餐廳工作。阿佘一心以為有得試食，順便醫肚，點知一切事與願違，做試食員原來唔係食咁簡單，仲要訪問餐廳老闆做筆記。當佢以為有得食時，又要幫手影食物相，老總仲叫佢對烹調方法做詳細紀錄。當下搞到阿佘忍唔住黑面，事關佢做足9個鐘都冇食過嘢，搞到佢都忍唔住用廣東話輕輕抱怨「有得睇冇得食」！
（圖片：影片截圖）
有得睇冇得食（圖片：影片截圖）
但阿佘都好專業，捱住肚餓好努力咁做筆記，又唧出笑容同食物影相，做打工仔真係唔容易呀。
忍唔住黑面（圖片：影片截圖）
不過相信阿佘黑面都係節目效果居多，事關佢出名勤力同專業，去年推出自家品牌唇膏，近日佢為宣傳自家品牌，更密密於抖音開直播，不但親身試色，又直踩五個鐘冇停過，都毫無怨言，相當落力！
落力直播（網上圖片）
阿佘由晚上8點直播到凌晨1點，全程都保持微笑，又不斷回答網民問題，非常親民。
（圖片：影片截圖）
阿佘於節目策劃一個「520」吃喝玩樂專題，帶大家用$200玩到盡，先帶各位買花氹女仔開心，又去靚靚cafe食下午茶。
（圖片：影片截圖）
食靚靚甜品（圖片：影片截圖）
撰文：羅慧怡
責任編輯：陳小芝
June 23, 2020 at 02:12PM
https://ift.tt/3drmqUo
【看我的生活】佘詩曼轉行做試食體驗打工仔辛酸第一日返工直踩9粒鐘餓到黑面- 晴報- 娛樂- 中港台 - 晴報 Sky Post
https://ift.tt/37H1BTQ
Bagikan Berita Ini
0 Response to "【看我的生活】佘詩曼轉行做試食體驗打工仔辛酸第一日返工直踩9粒鐘餓到黑面- 晴報- 娛樂- 中港台 - 晴報 Sky Post"
Post a Comment