本港第三波新冠肺炎疫情嚴峻，昨日（24日）再新增123宗新冠肺炎確診個案，連續3日確診數破百之餘，單日數字亦再破紀錄。因為同住家人確診，一名港爸與妻子及兩名子女因而被列作緊密接觸者，需要入住火炭駿洋邨一個兩房單位隔離14日。對此，港爸昨晚在網上分享隔離生活，並公開感謝醫護及民安隊隊員等人員的付出，「我哋一家人衷心多謝你哋為我哋提供物資同食物！」
「以下係分享少少經驗畀大家，畀大家有個心理準備。」該名港爸在Facebook群組「巴打絲打 Facebook Club」發帖，分享自己與妻兒在駿洋邨的隔離生活。他指出，每個單位大細都不同，視乎家庭人數安排；因為他是一家四口，兩大兩細，當局因而安排了一個兩房單位給他們。
單位內有床提供，而兩個吹氣梳化則是港爸自己帶去。（「巴打絲打 Facebook Club」圖片）
以下是歸納港爸分享的10大重點：
- 冇冷氣、冇雪櫃、冇洗衣機，有電熱水爐提供，手機網絡接收差，屋內有WiFi提供
- 有床板 + 床墊 + 床單提供，單位內有窗簾，每日免費提供3餐，可WhatsApp中心提供你想要嘅物資（如：杯麵、紙包飲品、水、廁紙），水果不定時由社署提供
- 有電視提供，可以連接HDMI，可以帶PS4 / Switch
- 我唔知有冇洗衣液提供，因我本身自備咗納米樂，再用個厚身膠袋裝水手洗洗衫，有衣架提供晾衫
- 冇冷氣係大家最大嘅問題，但真係會慢慢適應，一日起碼沖幾次凍水涼，同埋因為都唔會出街，所以就咁著條短褲就算，又可以洗少啲衫，又可以涼啲。
- 有專車會接送到隔離中心
- 有小朋友嘅家庭一定要帶玩具（小型game、畫畫等）
- 我自己帶咗好多嘢（空氣清新機、營養補充品、牙膏、牙刷、洗頭水、梘液、大量食糧、水果、毛巾、衫褲、吹氣梳化、風扇、Switch、小朋友玩具、消毒啫哩、乾濕紙巾、拖鞋、床單、枕頭袋、拖板）；拖板、冷風風扇好重要
- 單位有提供牙膏、牙刷、抹面毛巾、杯、叉、匙羹、碟、電視、風扇、WiFi、枕頭、床墊、床單、衣架
- 指定牌子衛生巾 / 尿片 / 兒童學習褲要WhatsApp中心向社署申請訂，需要兩三日時間
港爸拍片分享單位內部。圖為廚房。（「巴打絲打 Facebook Club」圖片）
廁所十分乾淨企理。（「巴打絲打 Facebook Club」圖片）
此外，他又分享今日（25日）的早餐餐單：
A. 菜乾花生豬骨粥 + 菜肉包
B. 吞拿魚沙律三文治 + 有機田園沙律
C. 菜乾粥 + 餐包
D. 牛奶麥皮 + 炒蛋
港爸分享今早所吃的早餐。（「巴打絲打 Facebook Club」圖片）
他指出，他們並沒有當作是度假，而是想分享經驗給大家，並提醒隔離生活的心態好重要，尤其是有小朋友的家庭，因父母的心態十分影響小朋友，
「所以大家要加油，就算真係要隔離都唔緊要，當係一次入訓練營嘅體驗，俾小朋友知道凡事唔係必然，冷氣唔一定有，好食又一餐，唔好食又一餐。」
港爸分享窗外風景。（「巴打絲打 Facebook Club」圖片）
他續指，暫時一家人都沒出現任何病徵，「大家都仲好精神」，
「最後，唔知呢度（群組內）有冇醫護或民安隊隊員，我哋一家人衷心多謝你哋為我哋提供物資同食物，知道近幾日都好多case（個案），工作量大增，所以我哋會感激你哋嘅付出。......希望大家都可以健康面對今次疾情，大家加油！」
每朝索取《晴報》：精明生活．健康家庭．開心娛樂
責任編輯：李凱晴
July 25, 2020 at 09:51AM
https://ift.tt/2WQVIiz
【新冠肺炎】家人確診與妻兒被列緊密接觸者2孩港爸分享駿洋邨隔離生活：多謝為我哋提供物資同食物- 晴報- 家庭- 熱話 - 晴報 Sky Post
https://ift.tt/37H1BTQ
Bagikan Berita Ini
0 Response to "【新冠肺炎】家人確診與妻兒被列緊密接觸者2孩港爸分享駿洋邨隔離生活：多謝為我哋提供物資同食物- 晴報- 家庭- 熱話 - 晴報 Sky Post"
Post a Comment